नुकतंच माझा व्हाट्सअप्प नंबर बॅन झाला होता, म्हणजे पुन्हा त्या नंबरवरून whatsapp वापरता येणार नाही. मी तो recover केला कारण हाच तो नंबर ज्याच्या वरून मी व्हाट्सअप्प वापरत असतो.
माझा बिझनेस अकाउंट आहे,त्यामुळे चला, हा काढून व्यक्तीगत म्हणजे messenger app टाकून बघितलं तरी नाहीच झालं. शेवटी युट्युब चा आधार घेतला आणि revover केला.
पण शपथेवर सांगतो मी panic वगैरे अजिबात झालो नाही. इतर कुणी होऊ शकतं. मी झालो नाही ह्याचं कारण असं, की मी अनेक वर्षे म्हणजे जवळपास सुरुवातीपासूनच "धंदा करतो", अनेक वेळा माझे धंदे बुडालेले आहेत , पुन्हा recover झालेत,पुन्हा बुडलेत, पुन्हा दुसरेच काही मी सुरू केलेले आहे. त्यामुळे ह्याचं इतकं काही वाटत नाही, खरंच. थोडंस वाईट वाटतं, पुढच्या योजना जरा फसल्या सारख्या वाटतात म्हणून, पण हे असंच असतं. शिकलो ते बहुमूल्य आहे :
१. Tools ही उपयुक्त असतात, आपलं काम खूप प्रमाणावर सोप्पं , हलकं करतात, तरी ती तारतम्यानेच, गरजे पुरतीच वापरावी. नाहीतर भलतेच घडेल. मी लहान असताना मला माझ्या बहिणीने विदेशी कात्री आणून दिली होती, तिने खूप छान पेपर कटिंग व्हायचं, मला नाद लागला, आणि मी घरातल्या चांगल्या चांगल्या पुस्तकांतील चित्र चक्क कापली, आणि दादांना म्हणजे वडिलांना दाखवली, परिणाम तुम्हाला कळलाच असेल.
२. मी जरा जास्तच मेसेजेस पाठवू लागलो होतो. साहजिकच हा मेसेज न आवडणारे, नकोसे वाटणारे लोकही काही असतीलच की ! "संख्या" वर भर दिल्याने असं झालंय. ह्यापेक्षा कमी परंतु योग्य audience निवडला,त्यावर जास्त लक्ष देऊन काम करायला हवं
३. क्षणभर धरून चालू,की लोकांना न आवडणारं काही नाहीये मेसेज मध्ये. पण मग हे मेसेज लोकांना पसंत तरी पडत आहेत हे whatsapp ला कळायला हवं, ह्याकरता आपल्या मेसेजलाच reply मिळायला हवेत, ह्याकरिता संपर्क सेतू ( whatsapp software ) मध्ये खास chatbots ची सोय आहे. आता मी त्यावर फोकस करेन.
४. Whatsapp मेसेजेस करण्यासाठी काही मला पैसे मिळत नाहीत. माझा धंदा हा नाही. लोकांना Online मार्केटिंग द्वारे व्यवसाय वाढी करता मदत करणे हा माझा धंदा आहे. मदत करणे हा माझा धर्म आहे. त्यात उपयुक्त पडणारे एक अवजार tool म्हणून व्हाट्सअप्प मार्केटिंग. ते जरी का बंद पडले, तर दुसरा एखादा पर्याय उभा राहिलच!
# ( update 13.2.22 : राहिला )
हे account recover कसा करायचा वगैरे माहिती प्रोसिजरल स्वरूपाची आहे,नेटवर कुठेही मिळेल. बाकी काही बोलायचं असेल तर comment जरूर करावी .
No comments:
Post a Comment
निवडक उद्यमी हा संवाद साधणारा platform आहे, त्यामुळे आपली प्रतिक्रिया जरूर नोंदवा. खूप प्रक्षोभक वगैरे अपेक्षित नाही. सकारात्मक टीकेला मात्र जरूर वाव आहे.