नि:स्पृह (व्यावसायिक) छाया गोलतगावकर .....

 6 ऑक्टोबर 2023 रोजी 'निवडक उद्यमी' च्या साप्ताहिक मीटिंग मध्ये 'थकलेले पैसे वसूल करण्याची प्रक्रिया' ह्या विषयावर सौ.छाया गोलटगावकरांची मुलाखत झाली.

'ह्युमन रिसोर्स ऑफिसर', डॉक्टर, वकील यांसारख्या व्यक्ती ह्या मुळातच सहानुभूतीपूर्वक असाव्यात असा ह्या पेशांचा घटनादत्त अपेक्षित स्थायीभाव पण जमिनीवरील परिस्थिती नेमकी कशी उलटच असते हे वेगळे सांगण्याची गरज नाही. छायाताई मात्र ह्याला सन्माननीय अपवाद ठरल्या. 

दैनंदिन जीवनात रेंगाळलेली कामं, त्यात झालेली आर्थिक आणि भावनिक गुंतवणूक, वेळेचा अपव्यय आणि त्यामुळे येणारं नैराश्य ह्या सगळ्यामुळे आपल्याकडे येणारा व्यक्ती कावलेला असतो ह्याचं भान त्यांच्या बोलण्यातून जाणवलं. मुलाखतीच्या सुरुवातीलाच वकिली हा एक उदात्त व्यवसाय आहे आणि आपण त्याच्या प्रतिनिधी आहोत हे त्यांनी स्पष्ट केलं.

पैसे थकवणं, किंवा सामाजिक स्तरात आपल्यापेक्षा वरचंढ असलेल्यांकडून होणारी दंडेली आणि मानहानीकारक वागणूकी विरुद्ध उभं राहणं हे सामान्यांचं कर्तव्यच आहे हेही त्यांनी बजावून सांगितलं.

स्वतःच्या ओळखीबद्दल लिहिलेल्या माहिती आणि प्रस्तावनेत त्यांनी सुचवलेले बदल त्यांच्या दक्षतेची आणि सूक्ष्म निरीक्षणशक्तीची साक्ष देतात.

मुलाखतीच्या विषयावरील त्यांचं प्रभुत्व, तांत्रिक माहिती, काही क्लुप्त्या आणि एकंदरच संयतपणे विषय मांडण्याची पद्धत वादातीत होती (त्याबद्दल अधिक लिहीत नाही - प्रत्यक्ष मुलाखतच लोकांनी ऐकावी हि अपेक्षा). 

लिंक :- https://youtu.be/A0Q6U_MM_io?si=yC8Y5omrr-GWDCiW

एक कबुली मात्र जरूर देऊ इच्छितो - 

मुलाखत कश्या पद्धतीने उलगडावी ह्याबद्दल झालेल्या चर्चेचे मुद्दे आणि प्रश्न लिखित स्वरूपात देण्यास माझ्याकडुन झालेल्या दिरंगाईबद्दल छायाताईंनी रास्त पण सौम्य आक्षेप माझ्याकडे नोंदवला आणि त्यांच्याबद्दलचा आदर अधिकच वाढला.

त्याबद्दल क्षमस्व.

प्रत्येक छोट्या मोठ्या व्यावसायिकाला कमी अधिक प्रमाणात भेडसावणाऱ्या एका ज्वलंत विषयावर तुम्ही योग्य मार्गदर्शन केलंत आणि वेळात वेळ काढून आमच्याकडे आलात त्याबद्दल 'निवडक उद्यमी' तर्फे आभार आणि तुमच्या कारकिर्दीस अनंत शुभेच्छा.

------------

निशांत आवळे 

निर्णय ( त्यातल्या त्यात ) जास्त अचूक कसे घ्यायचे ....

"Second Order Thinking" असा विषय निवडलाय निशांत ने आज निवडक च्या सेशन साठी. काय आहे हे ?

Chat GPT केलं आणि थोडक्यात विचारलं तर हे बरं उत्तर सापडलं :-

Certainly! Here's a simple explanation of "Second Order Thinking" for your WhatsApp post:

**🧠 What is Second Order Thinking? 🤔**

Hey there!

Second Order Thinking is like thinking ahead about what might happen after something happens. It's not just about what's right in front of you, but also considering the consequences and effects that come later.

For example, it's not just about buying an ice cream, it's thinking about how that ice cream might make you feel too cold later on.

It's all about looking beyond the obvious and being smart about your decisions!

Keep thinking! 

मराठीत काय म्हणता येईल याला ? 

( परिणामांचा अभ्यास / शक्यतांची पडताळणी / ..... ? )

ह्याचा नक्की उपयोग पाहिला तर आपल्या पुढच्या निर्णयांची अचूकता मिळविणे ह्यासाठी ही पद्धत वापरता येईल. साधारणपणे समोर झटकन येणारी माहिती पाहून आपल्याकडून चुकीचा निर्णय घेतला जावू शकतो, ह्याचं बऱ्याच अंशी कारण म्हणजे सुरुवातीलाच आपला पुढचा विचार न करण्याची सवय. 

Second Order Thinking मध्ये ह्याच गोष्टीला केंद्रस्थानी ठेवले आहे : कि फक्त समोर उभ्या थकलेल्या एखाद्या समस्ये बाबत उपाय योजनेचा विचार करताना त्यातून पुढे उद्भवणाऱ्या परिणामांबद्दल देखील आपण आधीच जरा अधिक सखोल विचार केला तर पुढे होणारा निष्कारण त्रास निश्चित वाचू शकेल.

निवडक च्या विचारधारेप्रमाणे जर व्यावसायिक , तसेच त्याला जोडून असलेले आयुष्यातील निर्णय जर आपल्याला अशा प्रकारे घेता आले, तर !

ही सवय कशी लावता येईल ह्याचा अभ्यास अधिकाधिक करत राहायला हवा .... 

कारकुंड्या मनोवृत्तीची फळे

नेट्वर्किंग क्लब मध्ये चित्र विचित्र अनुभव येतात. खास करून रेफरल नामक प्रकार दिल्यावर.

नुकतेच मी एकाला एक दोन-तीन रेफरल दिले, त्याबद्दल पहा त्यांची उत्तरे :-

हे update कसे आहे बघा .... जणू काही सदर व्यक्ती मला report करत आहे ... कप्पाळ ! एखाद्याने रेफरल दिला म्हणजे काही वेगळे कष्ट घेवून आपल्यासाठी काहीतरी तयार संपर्क दिला आहे ही भावनाच नाही. कसा वाढणार धंदा !

असाच अनुभव येतो Done Deal सांगताना. एखाद्याने रेफरल दिला आणि काही कारणाने त्याचे पेमेंट यायचे वगैरे राहिले असेल, तर मंडळी सांगतात... "पेमेंट आले कि done deal देतो" ... जणू काही त्याने तुला referral देवू करून काही गुन्हा अपराधच केलाय ! अरे, ज्याने रेफरल दिला त्याची काय चूक ? आणि तू काय सरकारी tax भरतो आहेस कि काय !

काय म्हणायची ही मानसिकता ! कारकुंड्या मनोवृत्तीची ही फळे ......

Feedback कसा असायला हवा ?

हल्ली हे Review प्रकरण खूप उथळ झालंय. तरीही निवडक च्या प्रथेप्रमाणे आपण प्रत्यक बाबीच्या खोलात शिरतोच. हीच तर संधी ना शिकण्याची. तर ह्या "अभिप्राय" बद्दल काही सुचतंय ...

संपूर्ण सेशन मधून सर्वात जास्त काय भावलं , कशा प्रकारे ....

खास करून एखादा मुद्दा आवडला असेल, तर तो विषद करून सांगावा. त्याने आपल्यात नक्की काय फरक पडेल हे सुद्धा जरूर सांगता यायला हवे. म्हणजे वक्त्याला त्याच्या व्यवसायातील एखाद्या ठराविक वैशिष्ट्याबद्दल अधिक समजून येते. आपल्याला असा कुणी कधी अभिप्राय दिला असेल, तर समजून येतं कि माझा खरं हा strong point आहे ज्यावर मी साधारणपणे भर देत असतो/असते. 

Sample म्हणून खालील feedback पहा. नेमक्या पद्धतीने सांगितले आहे vendor ला त्यामुळे त्यांना त्यांची बलस्थाने त्वरित लक्षात येतात.

I am just a call away from XXXXX whenever my team or I myself encounter any issues related to CRM, she understands everything and helps us efficiently.

The biggest achievement for me is that me and my team had said goodbye to Excel sheets and WhatsApp.

काय खटकलं किंवा काय नाही पटलं , का नाही पटलं हे देखील आवर्जून सांगावे 

ह्याबद्दल अभिप्राय देताना "आपला काय विचार होता हे विचार मांडण्यामागे" असा सूर असायला हवा. कारण आपल्याला पटलं नाही, तर ते बाद करून टाकण्या ऐवजी जर समजून घेतलं तर विचारांना एक नवी दिशा मिळू शकते. उलटपक्षी "बाद" केल्यास एक नवीन शिकण्याची संधी आपण गमावून बसतो.

आपल्या स्वप्नात खरोखर तेवढा दम आहे का ?

आज एके ठिकाणी एका चर्चेत काही मुली, ज्यांना काहीतरी वेगळं म्हणजे संगीतात करियर करायचं आहे, त्यांना त्यांच्या घरातून होणाऱ्या टोकाच्या विरोधाबद्दल बोलत होत्या. अर्थात पालक मंडळींबद्दल आक्षेप होता. काही मुलींचे पालक तर अगदी कडक सरळ नोकऱ्या धरा आणि झटपट पैसे कमवा अशा मताचे होते आणि मुलीना तसं धडधडीत बोलून देखील दाखवीत होते.

एकीच्या घरात पालकांचा एकमेकात संपूर्ण बेबनाव होता आणि त्याचे पडसाद त्यांच्या मुलीच्या सोबत असलेल्या नात्यावर ठळक उमटले होते. 

साहजिकच सारखा असा सूर निघत होता, की पालकांनी असं वागायला नकोय.

खरेही आहे, नकोच ना असे वागायला. पण तरीही ... तिच्या स्वप्नात नक्कीच बळ ( दम ) कमी असावा. असता तर एक तर ती खणखणीत आई-बापांना समजावेल, किंवा कौशल्याने पटवेल तरी, किंवा असेच काही करून तिच्या स्वप्नाच्या मार्गावर घट्ट राहील. कदाचित असेल सुद्धा.

मुद्दा असा आहे, की आई वडील काही शत्रू नसतात तर त्याना खरोखर वाटत असते कि आपल्या मुलीचं भलं व्हावं. त्यांना ठावूक नसतं कि आपल्या मुलीने योग्य मार्ग धरलेला आहे. आणि इथेच मेख आहे.

तिला तिच्या स्वप्नावर पूर्ण विश्वास असेल, आणि प्रेम असेल, ध्यास असेल, तर ती आपल्या आई वडिलांना पटवून देईल नाहीतर चक्क फाटा देईल, किंवा manage करेल चक्क !

आणि असं होत नसेल, तर मात्र स्वप्नात दम नाही... म्हणजे ही फक्त एक इच्छा , इतकेच.